இலங்கைத் தமிழர்களுக்காக தற்போதுதான் ஐக்கிய நாடுகள் சபை நடவடிக்கை எடுக்க ஆரம்பித்துள்ளதாக இலினொய்ஸ் பல்கலைக்கழகத்தின் பேராசிரியர் பிரான்சிஸ் ஏ போய்ல் தெரிவித்துள்ளார்.

ஐக்கிய நாடுகள் சபையின் பொது செயலாளர் பான் கீ மூன் இலங்கையின் மனித உரிமைகள் மற்றும் போர் சூழல் நிலவரங்கள் குறித்த நிபுணர்கள் குழு ஒன்றை நியமித்ததைத் தொடர்ந்து, போய்ல் விடுத்துள்ள அறிக்கை ஒன்றில் இதனை சுட்டிக்காட்டியுள்ளார்.

இலங்கையில் இறுதி யுத்தத்தின் போது இடம்பெற்ற போர்க்குற்றங்கள் தொடர்பில், இலங்கை சுயாதீனமான விசாரணையை நடத்தவேண்டும் என நேற்று ஐக்கிய நாடுகள் மனித உரிமைகள் சபையில் உரையாற்றிய நவநீதம்பிள்ளை வலியுறுத்தியிருந்தார். சுயாதீன விசாரணை கோரிக்கையை இலங்கை அரசாங்கம் நிராகரித்துள்ளது.

இந்தநிலையில் கடந்த வருடம், நாடுகளுக்கு இடையில்,ஐக்கிய நாடுகள் மனித உரிமைகள் சபையில் எடுக்கப்பட்ட தீர்மானத்தை ஐக்கிய நாடுகள் சபையின் மனித உரிமைகள் ஆணையாளர் நவநீதம்பிள்ளை மதிக்கவேண்டும் என இலங்கையின் மனித உரிமைகள் துறை அமைச்சர் மஹிந்த சமரசிங்க கோரியுள்ளார்.

இலங்கையில் இடம்பெற்ற போர் குற்றங்கள் தொடர்பில்,சுயாதீன விசாரணைகள் அவசியம் என ஐக்கிய நாடுகளின் மனித உரிமைகளுக்கான ஆணையாளர் நவநீதம்பிள்ளை மீண்டும் வலியுறுத்தியுள்ளார்.

போரின் போது இரண்டு தரப்பினரும் மேற்கொண்ட பாரிய மனித உரிமை மீறல்கள் தொடர்பில் இலங்கை அரசாங்கம் சுயாதீன விசாரணைக்கு இணங்கவேண்டும். அத்துடன் இதற்காக சர்வதேச நாடுகளும் உதவ முடியும் என நவநீதம்பிள்ளை குறிப்பிட்டார்.

சிறீலங்காவுக்கு வழங்கப்பட்டு வந்த ஜி.எஸ்.பி வரிச்சலுகையை தற்காலிகமாக இரத்துச் செய்வதாக ஐரோப்பிய ஒன்றியம் உத்தியோகபூர்வமாக அறிவித்துள்ளது.

ஈகைப்பேரொளி முருகதாசன் அவர்களுடைய முதலாம் ஆண்டு நினைவு வணக்க நிகழ்வு அவர் தீக்குளித்த ஐநாசபை முன்பாக 13.02.2010 அன்று பிற்பகல் 3.15 மணிக்கு நடைபெற்றது.